《某日我約左個心儀女仔出街》
某日我約左個心儀女仔出街，佢叫Ivy ChaN
今年28歲，個樣幾靚，隻眼水汪汪咁
身材都okay 架，細細粒，瘦瘦地。
佢喺某間公立醫院做姑娘。
我暗戀左佢一排，我啲fd就係咁叫我約佢出街
又話佢係筍盤，白衣天使，人工高，個樣又ok，
我知佢想睇美國隊長3，我即刻同佢講我有免費飛，問下佢有無興趣，點知佢真係肯出黎wo!
果日，我地約左3點喺旺角等，佢著左一件白色連身裙， 真係成個天使咁，我差啲比佢電暈
到左之後，我suggest大家去食個tea先。
佢都算唔話得，竟然肯同我食茶計，
依個女仔真係好，一啲都唔港女
去到餐廳我叫左個免治牛肉飯+芝士波菜寬麵。
啲野食一黎到，我想開餐嘅時候，
佢突然講：「等等先」
跟手佢就拿左支酒精搓手液出黎
吱左2滴比我
然後又吱左2滴比佢自己
ivy佢笑咪咪咁話：「我教你點樣捽乾淨隻手呃」
我緊係話好啦, 做姑娘真係唔同啲，個人好衛生！
佢話搓手一共有7個步驟，最少要搓夠20秒先完成
望住Ivy好認真咁一個一個step教我
我突然個心仔卜卜跳
一個咁認真咁可愛嘅女仔，真係令我好心動！
搓完手終於可以開餐啦
望住碟免牛飯，我流晒口水
我：「依間餐廳啲免牛飯好出名架！我次次黎都會食」
Ivy:「係呀？我唔食免牛飯架」
我「ha?點解嘅？你唔食牛架？」
Ivy: 「唔係呀，其實係因為佢好似Melena」
我：「咩話？咩娜呀？人黎架？」
Ivy:「算啦，當我無講過」
但佢越唔講，我就越想知咩係melena,終於我追問多幾次後，佢終於講啦
ivy:「 melena即係血屎呀，啲病人腸出血就會痾melena, 又腥又臭，我次次聞到陣味都想嘔，所以我唔食免牛飯架」
我屌.......佢一講完依堆野，我當堂勁反胃
望住我最鐘意食嘅免牛飯，唔知點解
依一刻我真係覺得佢好似一堆爛屎，仲要係有血果隻.....越諗越想嘔
我：「唔好意思，我去一下洗手間」
我9秒9衝左去廁所
我屌，嘔左
唉，都係我嘅問題，早知唔問咁多啦。
洗完面我返埋個位度
Ivy:「你無事嗎？你個樣好pale 呀！」
我：「無野呀，唔洗擔心，我地一齊食野啦」
正當我攞起支叉想食之際
「咪住！」Ivy stop左我
佢又攞左支酒精潔手液出黎
「要搓左手先可以食架，你掂過其他野，隻手contam左架！唔搓手disinfect嘅話，手上面啲bateria會食埋落肚，跟住會GE架」
我心諗你up乜春呀？搓咪搓囉
又contam又bateria又GE
都唔知你up乜。
當然，我都扮到好認同咁然後又搓多次手
7個steps,我記得架
「搞掂！食得未呀」
「No!!你未搓夠20秒呀！咁樣殺唔到菌架！」Ivy搖頭。
Shit, 未搓夠20秒,估唔到你計時咁變態
「係wo, haha! 我搓耐啲先」我心入面已經有少少想爆粗，不過我忍，Ivy都係關心我啫，佢驚我隻手污穢。嗯....一定係咁......
「Ivy,你食唔食菠菜寬麵呀？我夾比你呀！」我主動扮晒gentleman, 希望Ivy加我分
「em....sorry呀，我都係唔食啦」
「ha!?唔食？？」又唔食，係咪玩野呀....
「今朝個病人狂嘔，嘔到最尾就係嘔左啲綠色野出黎，好似依個麵呀！」
妖，我今次已經好醒咁無問你點解架啦，你做咩又講個原因出黎呀！我又想嘔啦.......
我忍...我忍住，吞返落去....
好彩無嘔
我：「唔緊要啦，我地叫過第2樣啦！waiter,唔該比個menu我！」
最後我地嗌左個雞脾薯條，西多。
我諗依2樣野應該安全啦瓜，又唔似屎又唔似尿。
野食又到左
「啲薯條好香呀！」我一手攞起條薯條
「啪！」Ivy一野拍落我隻手度，拍甩左條薯條
「搓左手先」
「頭先咪搓左囉！」我開始嬲啦
「你頭先掂過份menu呀！份menu唔sterile唔clean架，茶記啲野好污穢架，GE左點算呢，痾得太勁會dehydrate,要admit吊IV fluid架嘛！」Ivy一輪嘴講到我都勁頭暈，為左快啲有得食，我搓！
搓搓搓搓搓
我開始覺得，Ivy未必真係咁適合我
雖然佢好靚又有愛心
但係...佢會唔會太執著去搓手？！
算，啦啦聲食埋餐飯先
食完飯埋左單
「Ivy, 我地走囉」
「咪住....」
又咪住？又做咩呀？Ivy ChaN你又想點呀？
「要搓手！」IVy又出動支搓手液
「食完飯都要搓？？why??係咪痴線架？搓到手都爛啦」我忍唔住爆左！
Ivy見我咁火爆，佢突然隻眼紅左，好似想喊咁....
「Pro...protocol....話 ...」佢已經流左2行眼淚出黎「protocol話....procedure前後都要rub or wash hands, 所以我地食完飯都要...都要搓手......」
屌!!!!!!!!!條女真係痴線架!!!!!!!!!
搓手搓上腦呀!!!!!!!!!!!!!!!
我最後手都無搓
直接跑左返屋企.....
end
一個ICN的愛情故事
Search